برینٹ خام تیل اور قدرتی گیس کی قیمتوں میں مزید کمی


نیویارک : عالمی منڈی میں آج بھی خام تیل اور قدرتی گیس کی قیمتوں میں کمی واقع ہوئی ہے، برینٹ خام تیل کی قیمت مزید2ڈالر43 سینٹ کم ہوگئی۔

غیرملکی خبر رساں ادارے کی رپورٹ کے مطابق بین الاقوامی مارکیٹ میں برینٹ خام تیل کی قیمت81 ڈالر 20سینٹ پر پہنچ گئی۔

غیرملکی میڈیا کا اپنی رپورٹس میں کہنا ہے کہ رواں سال مارچ 2022 میں برینٹ خام تیل کی قیمت117 ڈالر 25سینٹ تھی۔

رپورٹ کے مطابق عالمی مارکیٹ میں ڈبلیو ٹی آئی 2 ڈالر 16 سینٹ کی کمی واقع ہوئی ہے جس کے بعد ڈبلیو ٹی آئی خام تیل 74 ڈالر 12 سینٹ پر آگیا۔ مارچ 2022 میں ڈبلیو ٹی آئی خام تیل 108 ڈالر 50 سینٹ پر تھی۔

اس کے علاوہ قدرتی گیس کی قیمتوں میں بھی مسلسل کمی کا رحجان ہے، عالمی مارکیٹ میں گیس نرخ میں 4.04فیصد تک کمی رہی ہے جس کی وجہ سے قدرتی گیس کی قیمت 7.02 فی ایم ایم بی ٹی یو ہے۔

واضح رہے کہ دو ماہ سے عالمی منڈیوں میں تیل اور گیس کی قیمتوں میں کمی ریکارڈ کی جارہی ہے تاہم پاکستان میں پٹرولیم مصنوعات کی قیمتوں میں کمی کا فائدہ عوام تک منتقل نہیں کیا گیا۔


About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *