چینی کی برآمدکی اجازت نہ ملنے کے باوجود شوگر ملز نے کام شروع کردیا

لاہور: چینی کی برآمد کی اجازت نہ ملنے کے باوجود شوگر ملز مالکان نے کام شروع کردیا۔

تفصیلات کے مطابق پنجاب کی ایک درجن کے قریب شوگر ملز میں چینی کی پیدوار کیلئے ملز مالکان نے کام شروع کرنے کا اعلان کردیا ہے۔

شوگر ملز مالکان کا اس حوالے سے کہنا ہے کہ احتجاجاً ملز چلانا شروع کی ہیں، ملز بند کرکے کاشتکاروں کا نقصان نہیں چاہتے ہیں۔

شوگر ملز مالکان کا کہنا ہے کہ گنے کی بروقت ادائیگی یقینی بنانے کیلئےچینی کی برآمد کی اجازت دینا ہوگی، وفاقی اور پنجاب حکومت کو اس ضمن میں سنجیدگی سے سوچنا چاہیے، برآمد کی اجازت مل جاتی توشوگر انڈسٹری کی حالت بھی بہتر ہوجائے گی۔