سندھ میں گنے کی فی من قیمت مقرر، نوٹیفکیشن جاری


کراچی : سندھ حکومت نے گنے کی فی من قیمت 302 روپے مقرر کردی جس کا باقاعدہ نوٹیفکیشن جاری کردیا گیا ہے۔

اس حوالے سے وزیراعلیٰ سندھ کے مشیر برائے زراعت منظور وسان نے کہا ہے کہ سندھ حکومت کی جانب سے گنے کی قیمت مقرر ہونے کے بعد سندھ میں شوگر ملز نے کام شروع کردیا ہے۔

منظور وسان کا اپنے بیان میں مزید کہنا تھا کہ سندھ کے مختلف اضلاع میں کاشت کاروں اور کسانوں کو بیج کے لئے فی ایکڑ 5 ہزار روپے دینے کا طریقہ کار بھی جاری کیا گیا ہے اور ذیلی کمیٹیاں بھی بنائی گئی ہیں۔

مشیر زراعت سندھ منظور وسان نے مزید کہا کہ سندھ حکومت نے پنجاب سے زیادہ گنے کی قیمت مقرر کی ہے۔

دوسری جانب سندھ ایگریکلچر ریسرچ کاؤنسل سندھ حکومت کے اس فیصلے سے غیر مطمئن ہے اس کا مطالبہ ہے کہ گنے کی فی من قیمت350روپے مقرر کی جائے۔

سارک عہدیداران کا مؤقف ہے کہ صوبہ پنجاب نے گنے قیمت میں فی من75روپے اضافہ کیا جبکہ سندھ نے صرف 52روپے بڑھائے ہیں۔


About admin

Check Also

حکومتی پالیسیاں : معاشی خدشات میں اضافہ، ایف بی آر حکام نے سرپکڑ لیے

اسلام آباد : ملک میں موجودہ حکومت کے برسر اقتدار آنے کے بعد سے معیشت …

Leave a Reply

Your email address will not be published. Required fields are marked *