گھی اور تیل کی قیمتوں میں نمایاں کمی کا اعلان


اسلام آباد : حکومت پاکستان نے گھی اور خوردنی تیل کی قیمتیں کم کرنے کا اعلان کیا ہے جس کا اطلاق ملک بھر کے تمام یوٹیلٹی اسٹورز میں فوری طور پر کیا جائے گا۔

اس حوالے سے ترجمان یوٹیلیٹی اسٹورز کی جانب سے کہا گیا ہے کہ تمام یوٹیلیٹی اسٹورز پر گھی اور خوردنی تیل کی قیمت میں نمایاں کمی کی گئی ہے۔

محکمہ کی جانب سے جاری اعلامیے کے مطابق درجہ اوّل بناسپتی کی قیمت میں 34 روپے فی کلو کی کمی کی گئی ہے جس کے بعد درجہ اوّل گھی 519سے کم کرکے 485 روپے کلو ہوگیا ہے۔

اس کے علاوہ درجہ اوّل کوکنگ آئل ایک لیٹر کی قیمت میں 36روپے کی کمی کی گئی ہے جس کے بعد درجہ اوّل خوردنی تیل526 سے کم کرکے 490 روپے لیٹرکردیا گیا ہے۔

اعلامیہ میں کہا گیا ہے کہ درجہ اوّل گھی پریمیم برانڈ گھی کی قیمت میں39روپے فی کلو کمی کی گئی جس کے بعد پریمیم برانڈ گھی کی قیمت524سے کم ہوکر485روپے فی کلو ہوگئی ہے۔

ترجمان یوٹیلیٹی اسٹورز کے مطابق ریلیف پیکج کے تحت آٹا، چینی، گھی پر دستیاب خصوصی سبسڈی میں بھی توسیع کی گئی ہے جس کا اطلاق فوری طور پر ہوگا۔


About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *