ٹریڈ افسران کی تعیناتی کیلئے نفسیاتی ٹیسٹ لازمی قرار


اسلام آباد : ٹریڈ افسران کی تعیناتی کیلئے پہلی بار ان کی ذہنی حالت کا امتحان لینے کی تجویز پیش کی گئی ہے، جس پر غور شروع کردیا گیا ہے۔

تفصیلات کے مطابق خطے کی ابھرتی ہوئی مارکیٹوں میں پاکستان کے تجارتی مفاد کو فروغ دینے کیلئے مختلف ممالک میں ٹریڈ افسران کی تعیناتی کی جائے گی۔

اس حوالے سے ذرائع کا کہنا ہے کہ بیرون ممالک ٹریڈ افسران کو تعینات کرنے کیلئے ان کا نفسیاتی ٹیسٹ لازمی قرار دینے کی تجویز دی گئی ہے۔

ذرائع کے مطابق وزارت تجارت نے پالیسی گائیڈ لائنز منظوری کیلئے وزیراعظم کو بھجوا دیں، اکانومسٹ گروپ کو تعیناتی کے عمل سے نکالنے کی تجویز بھی دی گئی ہے۔

اس کے علاوہ ٹی ڈی اے پی افسران کو مذکورہ تعیناتی کے عمل میں شامل کرنے کی تجویز بھی پیش کی گئی ہے، بیرون ممالک تقریبا 40نئے ٹریڈ افسران تعینات کئے جائیں گے۔

ذرائع کا کہنا ہے کہ وزیراعظم کی منظوری کے بعد تعیناتیوں کا باقاعدہ عمل شروع کیا جائے گا، امیدواروں کا تحریری امتحان،نفسیاتی ٹیسٹ اور انٹرویوز ہوں گے۔

مذکورہ امیدواروں کے انٹرویوز کے بعد سفارشات وزیراعظم کو بھیجی جائیں گی جس کے بعد وزیراعظم کی منظوری سے تعیناتیاں 3سال کیلئے کی جائیں گی۔


About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *