ڈالر کی قیمت میں کمی، روپیہ مزید مستحکم


کراچی : انٹر بینک میں ڈالر کی قیمت میں کاروباری ہفتے کے دوسرے روز بھی کمی ریکارڈ کی گئی ہے، کرنسی مارکیٹ میں ڈالر کے مقابلے میں روہے کی قدر مستحکم رہی۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں ایک پیسے کی کمی ہوئی ہے۔

فاریکس ڈیلرز کے مطابق انٹربینک میں ڈالر 221.66 سے کم ہو کر 221.65 روپے پر بند ہوا ہے۔ کاروبار کے دوران انٹربینک میں ڈالر 221.75 روپے اور 221.25 روپے کے درمیان ٹریڈ ہوا۔

تجزیہ کاروں کا کہنا ہے کہ مقامی ضرورت اور ذخائر کو بہتر سطح پر رکھنے کے لیے مطلوبہ زرمبادلہ کا مزید بندوبست نہ ہونے پر اسٹیٹ بینک نے ایکس چینج کمپنیوں سے فی خریدار کی سالانہ حد ایک لاکھ ڈالر سے گھٹاکر 50ہزار ڈالر کردی ہے۔

وزیر خزانہ کی ڈالر اسمگلنگ کے خلاف سرحدی علاقوں میں اسٹیٹ بینک اور ایف آئی اے کی مشترکہ کریک ڈاؤن کے اعلان اور ایکس چینج کمپنیوں سے فی خریدار کی حد 50فیصد گھٹانے سے ڈالر کی قدر کافی حد تک مستحکم رہی۔



About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *