وزیر خزانہ کا اسٹیٹ بینک کی جاری مانیٹری پالیسیوں پر اظہارِ اطمینان


وفاقی وزیر خزانہ اسحاق ڈار نے اسٹیٹ بینک کی جانب سے جاری مانیٹری پالیسیوں پر اطمینان کا اظہار کیا ہے۔

تفصیلات کے مطابق وزیرخزانہ اسحاق ڈار سے گورنر اسٹیٹ بینک جمیل احمد نے ملاقات کی جس میں معاشی استحکام، بحالی، ترقی کیلئے مالیاتی اقدامات پر تبادلہ خیال کیا گیا۔ ملاقات میں مالیاتی،مانیٹری پالیسی کی ہم آہنگی پر بھی تبادلہ خیال ہوا۔

گورنر اسٹیٹ بینک جمیل احمد نے کہا کہ پالیسی اقدامات سے روپے کی قدر میں استحکام اور شرح مبادلہ اتار چڑھاؤ کو روکا گیا۔

اعلامیہ کے مطابق وزیر خزانہ کو پائیدار ترقی کے حصول کے لیے مالیاتی پالیسی پر بریفنگ دی گئی۔ گورنراسٹیٹ بینک نے میکرو اکنامک پالیسی اقدامات سے آگاہ کیا۔

گورنر اسٹیٹ بینک نے کہا کہ موجودہ حکومت کی پالیسیوں کےمطابق معاشی بحالی کی حمایت کیلئےپرعزم ہیں۔

وزیر خزانہ نے گفتگو میں کہا کہ ملک کی معاشی ترقی کے لیے اسٹیٹ بینک کے اقدامات کو سراہتے ہیں شرح مبادلہ میں استحکام واپس لانے میں اسٹیٹ بینک ریگولیٹری کا کردار اہم ہے

About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *