آئندہ ماہ مذکرات: آئی ایم ایف کا پاکستان سے ڈو مور کے مطالبے کا امکان


اسلام آباد : پاکستان اور آئی ایم ایف کے درمیان مذاکرات آئندہ ماہ سے ہوں گے، جس میں آئی ایم ایف ڈو مور کا مطالبہ کر سکتا ہے۔

تفصیلات کے مطابق پاکستان اور آئی ایم ایف کےدرمیان مذاکرات آئندہ ماہ سے ہوں گے، مذاکرات میں 9 ویں اقتصادی جائزے پر بات چیت ہوگی۔

ذرائع وزارت خزانہ نے کہا کہ پاکستان سے آئی ایم ایف ڈو مور کا مطالبہ کر سکتا ہے، پیٹرولیم مصنوعات پر لیوی کی زیادہ سے زیادہ حد تک پہنچائی جاسکتی ہے۔

وزارت خزانہ نے بتایا کہ پیٹرول پر لیوی 31 دسمبرتک 50 روپے فی لیٹرکرنے اور ڈیزل پر لیوی اپریل 2023 تک 50 روپے فی لیٹر کرنے کا مطالبہ ہوسکتا ہے۔

ذرائع کا کہنا ہے کہ مذاکرات میں پیٹرولیم مصنوعات پر سیلز ٹیکس عائد کرنے کا بھی مطالبہ ہوسکتا ہے، جس کے بعد پیٹرولیم مصنوعات پر صفر سیلز ٹیکس مرحلہ وار ختم ہوسکتا ہے۔

ذرائع وزارت خزانہ نے کہا ہے کہ مذاکرات میں ٹیکس آمدن بڑھانے کے لیے مختلف تجاویز کا جائزہ لیا جائے گا۔

ذرائع کے مطابق آئی ایم ایف کی جانب سے ٹیکس کے رعایتیں مزید محدود کرنے کا مطالبہ کیا جاسکتا ہے، سبسڈیز کو محدودکرنے اور صرف مجبور طبقات کے لیے مختص کرنا ہوگا۔

About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *