پہلی سہ ماہی : سبزیوں اور پھلوں کی برآمدات میں نمایاں کمی


اسلام آباد : ملک سے سبزیوں اور پھلوں کی برآمدات میں جاری مالی سال کی پہلی سہ ماہی میں سالانہ بنیادوں پر کمی ریکارڈ کی گئی ہے۔

اس حوالے سے اسٹیٹ بینک اور پاکستان بیورو برائے شماریات کی جانب سے جاری کردہ اعداد و شمار کے مطابق جاری مالی سال کی پہلی سہ ماہی میں سبزیوں کی برآمدات کاحجم 45.77 ملین ڈالر ریکارڈ کیا گیا جو گزشتہ مالی سال کی اسی مدت کے مقابلہ میں29 فیصد زیادہ ہے۔

گزشتہ مالی سال کی اسی مدت میں سبزیوں کی برآمدات سے ملک کو59.13 ملین ڈالرکا زرمبادلہ حاصل ہوا تھا۔

ماہ ستمبرمیں سبزیوں کی برآمدات کاحجم 13.50 ملین ڈالرریکارڈ کیا گیا جو اگست میں 17.08 ملین ڈالر اورگزشتہ سال ستمبرمیں 16.78 ملین ڈالرتھا، مالی سال 2022 میں سبزیوں کی برآمدات سے ملک کو255.14 ملین ڈالرکازرمبادلہ حاصل ہوا تھا۔

اعداد و شمارکے مطابق جاری مالی سال کی پہلی سہ ماہی میں پھلوں کی برآمدات سے ملک کو75.56 ملین ڈالرکا زرمبادلہ حاصل ہوا جو گزشتہ مالی سال کی اسی مدت کے مقابلہ میں 45 فیصد کم ہے، گزشتہ مالی سال کی اسی مدت میں پھلوں کی برآمدات کا حجم 109.39 ملین ڈالر ریکارڈ کیا گیا تھا۔

ستمبر میں پھلوں کی برآمدات کا حجم 18.71 ملین ڈالر ریکارڈ کیا گیا جو اگست میں 28.45 ملین ڈالر اور گزشتہ سال ستمبرمیں 30.72 ملین ڈالرتھا، مالی سال 2022 میں پھلوں کی درآمدات کا حجم 398.91ملین ڈالر ریکارڈ کیا گیا تھا۔


About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *