دودھ کی قیمتوں میں 50 روپے فی لیٹر کا بڑا اضافہ


کمشنر کراچی نے دودھ کے سرکاری نرخ میں یکدم 50 روپے فی لیٹر بڑا اضافہ کردیا ہے اور نئی قیمت 120 روپے سے بڑھا کر 170 روپے فی لیٹر کردی ہے۔

اے آر وائی نیوز کے مطابق کمشنر کراچی نے شہر میں دودھ کے نئے سرکاری نرخ کا نوٹیفکیشن جاری کردیا ہے جس کے مطابق دودھ کی سرکاری قیمت فی لیٹر 170 روپے مقرر کی گئی ہے۔

اس سے قبل گزشتہ دسمبر میں انتظامیہ کے دودھ کے سرکاری نرخ 120 روپے فی لیٹر مقرر کیے تھے، یکدم 50 روپے اضافے سے شہریوں نے شدید تشویش کا اظہار کیا ہے۔

دوسری جانب سرکاری نرخ مقرر ہونے کے باوجود کراچی میں دودھ اس سے کہیں زیادہ 200 روپے فی لیٹر پر گزشتہ کئی روز سے کھلے عام فروخت کیا جا رہا ہے۔

واضح رہے کہ دودھ کی سرکاری قیمتوں کے تعین کے لیے ڈیری مالکان اور کراچی انتظامیہ میں کئی روز سے ڈیڈ لاک جاری تھا، گزشتہ روز فریقین نے 170 روپے فی لیٹر نئی قیمت کے تعین پر اتفاق کیا تھا۔

یہ بھی پڑھیں: مہنگا دودھ فروخت کرنیوالے ڈیری فارمرز کیخلاف بڑی کارروائی

اس سے قبل کراچی انتظامیہ نے مہنگا دودھ فروخت کرنے والوں کے خلاف بڑی کارروائی کرتے ہوئے شہر میں دودھ سپلائی کرنے والی درجنوں گاڑیوں کو ضبط کرکے تھانوں میں کھڑا کردیا تھا۔

About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *