امریکی ڈالر کا بڑا جھٹکا : بھارتی روپیہ چاروں شانے چت


نئی دہلی : امریکی ڈالر بھارت میں بھی سر چڑھ کر بولنے لگا ، بھارتی روپے کو مزید جھٹکا لگ گیا، جو اب تک کی کم ترین سطح ہے۔

بھارتی میڈیا کے مطابق بدھ کے روز بھارتی کرنسی ڈالر کے مقابلے میں مزید گر کر 83.01 پر آگئی یہ پہلا موقع ہے کہ بھارتی روپیہ کے مقابلے میں روپیہ 61 پیسے کم ہوا

غیر ملکی خبر ر رساں ادارے کی رپورٹ کے مطابق بھارتی معاشی تجزیہ کاروں کا کہنا ہے کہ روپے کی قدر گرنے سے ملک میں مہنگائی کا سونامی آئے گا۔ اشیائے ضروریہ پہلے ہی غریب عوام کی دسترس سے باہر ہیں۔

آج بھارتی روپیہ 82.3062 پر کھلنے کے بعد ڈالر کے مقابلے میں 83 روپے میں بند ہوا جو کم ترین سطح ہے۔ بھارتی روپیہ کی مسلسل تنزلی کے باعث ریزرو بینک آف انڈیا نے ڈالر خریدے تاکہ بھارتی روپیہ مستحکم ہوسکے۔

رائٹرز سے بات کرتے ہوئے دو نجی بینکوں کے تاجروں نے بتایا کہ دو پبلک سیکٹر انٹرپرائزز نے تیل کی برآمدات کے لیے بڑی تعداد میں ڈالر مانگے ہیں جس سے روپے کی قدر میں ریکارڈ کمی واقع ہوئی حالانکہ منگل کو مارکیٹ 82.36 بھارتی روپے فی ڈالر پر بند ہوئی تھی۔

خیال رہے کہ کورونا وبا کے آغاز سے بھارتی معیشت مسلسل گراوٹ کا شکار ہے اور عالمی منڈی میں تیل کی قیمتوں میں اضافے سے تیل خریداری کے باعث ملک میں ڈالر کے ذخائر میں کمی کا سامنا بھی ہے۔


About admin

Check Also

‘ملکی معیشت نقصان میں ہے، پاکستان کو مستحکم حکومت چاہئے’

اسلام آباد: سابق وزیرخزانہ شوکت ترین کا کہنا ہے کہ ہماری معیشت نقصان میں ہے،پاکستان …

Leave a Reply

Your email address will not be published. Required fields are marked *