تیل کی پیداوار میں کمی : پاکستان کا سعودی عرب سے اظہار یکجہتی


اسلام آباد : حکومت پاکستان نے اوپیک پلس ممالک کی جانب سے تیل کی پیداوار میں کمی کے خلاف دیے جانے والے بیانات پر اپنا رد عمل دے دیا۔

اس حوالے سے ترجمان دفتر خارجہ نے اپنے ایک بیان میں کہا ہے کہ پاکستان اس معاملے پر سعودی عرب کی قیادت کے ساتھ مکمل یکجہتی کا اظہارکرتا ہے۔

ترجمان نے کہا کہ سعودی عرب کی جانب سے عالمی اقتصادی استحکام کے لیے تیل کی مارکیٹ کے اتار چڑھاؤ سے بچنے کے خدشات کو سراہتے ہیں۔

ان کا کہنا ہے کہ پاکستان سعودی عرب سے باہمی تعلقات اور احترام پر مبنی تعمیری نقطہ نظر کی حوصلہ افزائی کرتا ہے اور سعودی عرب کے ساتھ دیرینہ، پائیدار اور برادرانہ تعلقات کا اعادہ کرتا ہے۔

واضح رہے کہ چند روز قبل سعودی وزیر خارجہ شہزادہ فیصل بن فرحان نے اپنے ایک بیان کہا تھا کہ اوپیک پلس کا تیل کارٹیل کے پیداواری ہدف کو یومیہ 20 لاکھ بیرل تک کم کرنے کا حالیہ فیصلہ خالصتاً اقتصادی وجوہات کی بنا پر کیا گیا ہے۔

مزید پڑھیں : تیل کی پیداوار بڑھانے سے متعلق سعودی ولی عہد کا اہم بیان

غیر ملکی خبر رساں ادارے کی رپورٹ کے مطابق تیل پیدا کرنے والے ممالک کے توانائی کے وزراء نے گذشتہ بدھ کو ملاقات میں کٹوتیوں پر اتفاق کیا تھا جو اگلے ماہ سے نافذ العمل ہوں گی۔


About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *