عالمی مارکیٹ میں کمی کے باوجود سونے کی قیمت میں اضافہ


کراچی : ملک میں سونے کی فی تولہ قیمت میں آج 50 روپے کا اضافہ ہوا ہے جبکہ عالمی مارکیٹ میں سونے کی قیمت میں کمی سامنے آئی ہے۔

آل پاکستان جیمز اینڈ جیولرز ایسوسی ایشن کے مطابق 50 روپے اضافے کے بعد ملک میں ایک تولہ سونےکا بھاؤ ایک لاکھ47 ہزار 350 روپے ہے۔ دس گرام سونےکا بھاؤ 43 روپے اضافے کے بعد ایک لاکھ 26 ہزار 329 روپے ہے۔

ذرائع کے مطابق عالمی مارکیٹ میں سونے کی فی اونس قیمت میں 12 ڈالر کی کمی جب کہ پاکستان میں سونے کی فی تولہ قیمت میں 50 روپے کا اضافہ ہوا ہے۔

آل پاکستان جیمز اینڈ جیولرز ایسوسی ایشن کے مطابق عالمی صرافہ میں سونےکا بھاؤ 12 ڈالر اضافے سے ایک ہزار 644 ڈالر فی اونس ہے۔

دوسری جانب پاکستان کی صرافہ مارکیٹوں میں کاروباری ہفتے کے آخری روز سونے کی فی تولہ اور دس گرام قیمت میں بالترتیب 50 روپے اور 43 روپے کا اضافہ ہوگیا۔

قیمتوں میں اضافے کے نتیجے میں کراچی، حیدرآباد، ملتان، لاہور، اسلام آباد، راولپنڈی، پشاور اور کوئٹہ میں سونے کی فی تولہ قیمت بڑھ کر 1 لاکھ 47 ہزار 350 روپے جب کہ دس گرام سونے کی قیمت اضافے کے ساتھ 1 لاکھ 26 ہزار 329 روپے پر پہنچ گئی۔

اس کے برعکس چاندی کی فی تولہ اور دس گرام قیمت بالترتیب 1560 روپے اور 1337 روپے 44 پیسے پر مستحکم رہی۔


About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *