لاہور : ضلعی انتظامیہ نے روٹی اور نان کی قیمت میں اضافہ کردیا


لاہور : روٹی اور نان کی قیمتوں میں اضافہ کردیا گیا ہے جس نے مہنگائی کے ستائے ہوئے عوام کو مزید پریشانی میں مبتلا کردیا ہے۔

تفصیلات کے مطابق حکومت پنجاب گندم کی قیمت پر قابو تو نہ پاسکی لیکن ضلعی انتظامیہ نے روٹی اور نان کی قیمت میں 3روپے اضافہ کردیا۔

ڈپٹی کمشنر لاہور نے سادہ روٹی کی قیمت13روپے مقرر کردی ہے جس کا نوٹیفکیشن بھی جاری کردیا گیا ہے جبکہ سادہ نان کی قیمت 20روپے مقرر کی گئی ہے۔

پشاور میں روٹی کی قیمت میں دُگنا اضافہ - Mashriq TV

واضح رہے کہ اس سے قبل سادہ روٹی کی قیمت 10اور نان کی قیمت 15روپے مقرر تھی۔

روٹی کی قیمت میں اضافے پر شہریوں کا مؤقف ہے کہ پہلے ہی ان کے لیے دو وقت کی روٹی مسئلہ بنی ہوئی ہے چہ جائیکہ اب روٹی مزید مہنگی کردی گئی ہے۔

شہریوں کی جانب سے کہا گیا ہے کہ ایک ایسے وقت میں جب کہ گندم کی فصل ابھی اتری ہے آٹے کی قیمت میں اضافہ سمجھ سے بالاتر ہے۔ انہوں نے حکومت سے مطالبہ کیا ہے کہ وہ آٹے کی قیمت میں کمی لانے کے لیے ٹھوس اقدامات اٹھائے۔


About admin

Check Also

کرنٹ اکاؤنٹ خسارے میں کروڑوں ڈالر کا اضافہ

کراچی : پاکستان کے کرنٹ اکاؤنٹ خسارے بیس کروڑ چالیس لاکھ ڈالر اضافے کے ساتھ …

Leave a Reply

Your email address will not be published. Required fields are marked *