پٹرولیم مصنوعات کی قیمتیں : حکومت پھرعوام سے ہاتھ کرگئی


اسلام آباد : حکومت نے ہائی اسپیڈڈیزل پر لیوی میں 5 روپے فی لیٹر کا اضافہ کرکے عوام کو مکمل ریلیف سے محروم کردیا۔

تفصیلات کے مطابق حکومت پھرعوام سے ہاتھ کرگئی، ڈیزل پر مکمل ریلیف سے محروم کردیا۔

ذرائع نے کہا کہ ہائی اسپیڈڈیزل پر لیوی میں 5 روپے فی لیٹر کا اضافہ کردیا گیا، اگر 5روپے لیوی نہ بڑھائی جاتی تو ڈیزل مزید سستا ہو سکتا تھا۔

ہائی اسپیڈ ڈیزل پر لیوی بڑھا کر 12 روپے 58 پیسے فی لیٹر اور پٹرول پرلیوی کی شرح 32روپے 42پیسے فی لیٹرمقرر کردی۔

پٹرولیم مصنوعات پر سیلز ٹیکس کی شرح زیرو برقرار رہے گی جبکہ مٹی کے تیل پر 15 اور لائٹ ڈیزل پر فی لیٹر لیوی 10 روپے ہوگی۔

گذشتہ روز حکومت نے پیٹرولییم مصنوعات کی قیمتوں میں کمی کا اعلان کیا تھا ، وزیر خزانہ سینیٹر اسحاق ڈار نے نیوز کانفرنس کرتے ہوئے کہا تھا کہ پیٹرول کی قیمت میں 12 روپے 63 پیسے کمی کی گئی ، جس کے بعد نئی قیمت 224 روپے 80 پیسے فی لیٹر ہوگئی ہے۔

حکومت کی جانب سے ہائی اسپیڈ ڈیزل کی قیمت میں 12 روپے 13 پیسے کمی کی گئی، جس کے بعد ہائی اسپیڈ ڈیزل کی نئی قیمت 235 روپے 30 پیسے فی لیٹر ہوگئی۔

About admin

Check Also

ٹی ڈی اے کے سابق سربراہ ایس ایم منیر انتقال کرگئے

کراچی: شہر قائد کی معروف کاروباری شخصیت ایس ایم منیر مختصر علالت کے بعد خالق …

Leave a Reply

Your email address will not be published. Required fields are marked *