جنوبی کوریا گوبھی ذخیرہ کررہا ہے، مگر کیوں؟


سیئول : جنوبی کوریا میں مخصوص ڈش کیمچی بنانے والے ان دنوں پریشانی کا شکار ہیں جس کے سدباب کیلئے جنوبی کوریا کی حکومت بند گوبھیوں کو ذخیرہ کرنے کا منصوبہ بنا رہی ہے۔

بند گوبھی سے بنائی جانے والی ڈش کیمچی جنوبی کوریا کے عوام کی سب سے پسندیدہ ہے، موسمیاتی تبدیلی کی وجہ سے بند گوبھی کی کاشت میں کمی کے باعث اس سال قیمتوں میں اضافہ دیکھنے میں آرہا ہے۔

کوریائی باشندوں کی بڑی تعداد اس مصالحہ دار اچار والی ڈش کو یومیہ کی بنیاد پر اپنے کھانوں کا حصہ بناتی ہے، آج کل بند گوبھی کی کمی کے باعث اس ڈش کی تیاری میں کافی حد تک کمی آگئی ہے۔

غیر ملکی خبر رساں ادارے کی رپورٹ کے مطابق اسی صورتحال کو مد نظر رکھتے ہوئے جنوبی کوریا کی حکومت نے حال ہی میں بند گوبھی ذخیرہ کرنے کیلئے بڑے منصوبے پر کام کا آغاز کردیا ہے۔

اس سلسلے میں بند گوبھی کو ذخیرہ کرنے کیلئے دو بڑے گودام تعمیر کیے جائیں گے،یہ گودام 9ہزار 900 مربع میٹر پر قائم گوسان اور ہینم کے علاقوں میں بنائے جائیںگے۔

مذکورہ گوداموں کا سائز Three فٹبال میدانوں کے برابر ہوگا جہاں یومیہ بنیادوں پر 10ہزار ٹن بند گوبھی اور 50ٹن گوبھی کا اچار ذخیرہ کیا جائے گا۔ ان گوداموں کی تعمیر پر تقریباً 58 بلین وون ($40 ملین)لاگت آئے گی۔جو سال 2025تک مکمل ہوں گے۔

Korean kimchi makers are hoping the government's plan will at least prevent home-grown producers from losing further ground.

کیمچی بنانے والی کمپنی چیونگون آرگینک کے چیف ایگزیکٹیو آہن اک جن کا کہنا ہے کہ ہم ماہ جون میں گوبھی کی خریداری کرتے تھے پھر بعد میں گوبھی کی قیمتوں میں اضافے کے پیش نظر اسے ذخیرہ کرتے تھے لیکن اس سال ہمارے پاس موجود ذخیرہ پہلے سے ہی ختم ہوگیا ہے۔

انہوں نے کہا کہ ہم روزانہ 15 ٹن کیمچی پیدا کرتے تھے لیکن اب ہم صرف 10 ٹن یا اس سے کم پیدا کر رہے ہیں۔ کمپنی کو اپنی کیمچی کی قیمت میں دو تہائی اضافہ کرکے 5,000 ون ($3.5) فی کلوگرام کرنا پڑا ہے۔

To tackle a kimchi crisis, South Korea banks on massive cabbage warehouses | Tuoi Tre News

کیمچی ڈش بنانے والے مقامی لوگوں کیلئے سستی قیمت پر بند گوبھی سپلائی کرنے کیلئے حکومت کی جانب سے فوری طور پر اقدامات نہیں کیے جاسکتے۔

حالیہ برسوں میں موسمیاتی تبدیلی کی وجہ سے ہونے والی شدید بارشوں نے گوبھی کی فصلوں کو کافی نقصان پہنچایا ہے جس کے سبب سپلائی میں کافی حد تک کمی آئی ہے۔


About admin

Check Also

کرنٹ اکاؤنٹ خسارے میں کروڑوں ڈالر کا اضافہ

کراچی : پاکستان کے کرنٹ اکاؤنٹ خسارے بیس کروڑ چالیس لاکھ ڈالر اضافے کے ساتھ …

Leave a Reply

Your email address will not be published. Required fields are marked *