ٹوئٹر کی خریداری : شیئر ہولڈرز نے ایلون مسک کو گرین سگنل دے دیا


واشنگٹن : ٹویٹر کے شیئر ہولڈرز نے ٹیسلا کے شریک بانی ایلون مسک کے 44 بلین ڈالر کے’بائی آؤٹ‘ معاہدے کو منظوری دے دی۔

غیر ملکی خبر رساں ادارے کی رپورٹ کے مطابق سماجی رابطے کی ویب سائٹ ٹویٹر کے شیئر ہولڈروں نے جنوبی افریقی کینیڈین امریکی تجربہ کار تاجر، سرمایہ کار اور انجینئر ایلون مسک کے 44 بلین ڈالر کے ’بائی آؤٹ‘ معاہدے کی منظوری دی ہے۔

مائیکرو بلاگنگ کمپنی ٹویٹر اور مسک کے درمیان معاہدے پر قانونی تنازعہ کے معاملے پر ٹیسلا کے سی ای او نے الزام لگایا تھا کہ ٹویٹر نے انہیں اپنے کاروبار کے بارے میں گمراہ کن معلومات فراہم کیں جب انہوں نے 44بلین ڈالر کے معاہدے پر دستخط کیے تھے۔

ٹیسلا کے باس نے یہ دعویٰ دیر رات گئے ٹویٹر کی جانب سے ڈیل کو منسوخ کرنے کے بجائے مکمل کرنے پر دائر کیے گئے مقدمے کے جواب میں دائر کیا تھا۔

ٹوئٹر نے منگل کو کہا کہ ابتدائی گنتی سے ظاہر ہوتا ہے کہ شیئر ہولڈرز نے ایلون مسک کی سوشل میڈیا پلیٹ فارم کو 44 بلین ڈالر میں خریدنے کی بولی کی حمایت کی، یہاں تک کہ وہ معاہدے کی خلاف ورزی کرنے کی کوشش کر رہے ہوں۔

یہ تعداد شیئر ہولڈر کی میٹنگ کے دوران سامنے آئی جو صرف چند منٹ تک جاری رہی، جس میں زیادہ تر ووٹ آن لائن ڈالے گئے، ٹوئٹر نے معاہدے کی تکمیل کرنے کے لئے مسک پر مقدمہ دائر کیا ہے اور اس کی سماعت اکتوبر کے لیے مقرر ہے۔

واضح رہے کہ اس سے قبل ٹیسلا کے سی ای او ایلون مسک نے ٹوئٹر پر دھوکہ دہی کا الزام لگایا تھا۔


About admin

Check Also

امریکی ڈالر مسلسل کمزور، پاکستانی روپیہ مزید تگڑا ہوگیا

کراچی : انٹربینک میں روپیہ کی قدر میں تیسرے روز بھی اضافہ ہوا، ڈالرایک روپے92 …

Leave a Reply

Your email address will not be published.