دنیا کی مضبوط ترین کرنسی کس ملک کی ہے؟


کویت سٹی: عالمی بحران کے باوجود کویتی دینار نے اہم سنگ میل حاصل کرلیا۔

غیر ملکی میڈیا رپورٹ کے مطابق عالمی کرنسیوں کی فہرست میں کویتی دینار پھر بازی لے گیا ، اس کے بعد بحرینی دینار، پھر عمانی ریال اور اردنی دینار اپنی قدر بڑھانے میں کامیاب رہے جبکہ امریکی ڈالر عالمی سطح پر نویں نمبر پر رہا۔

کویتی دینار کیوں مضبوط ہوا؟

مذکورہ ڈیٹا یو ایس ڈیٹیل زیرو ویب سائٹ پر شائع کیا گیا ہے، جس میں کویت کے مرکزی بینک کا حوالہ دیتے ہوئے بتایا گیا کہ سال دوہزار سات سے کویتی دینارکو اہم تجارتی اور مالیاتی شراکت داروں کی بین الاقوامی کرنسیوں کی ایک غیر اعلانیہ ایکسچینج ریٹ پالیسی کے تحت منسلک کیا گیا تھا۔

رپورٹ کے مطابق اس اقدام کا مقصد مقامی معیشت کو درآمدی افراط زر کے اثرات سے بچانے کے علاوہ کویتی دینار کے نسبتاً استحکام کو برقرار رکھنا اور اسے مضبوط کرنا ہے۔

عالمی بحران کے باوجود کویتی دینار دنیا کی مضبوط ترین کرنسی قرار

کویت کے مرکزی بینک نے بتایا کہ دو ہزار تین اور دو ہزار سات کے درمیان کرنسی کو ڈالر پر لگایا گیا تھا لیکن کویت نے ایک طویل عرصے کے دوران بڑی کرنسیوں کے مقابلے میں امریکی ڈالر کی قدر میں کمی کے منفی اثرات کو جذب کرنے کی صلاحیت رکھی۔

برٹش انسائیکلو پیڈیا کے مطابق کویت کی تقریباً تمام دولت بالواسطہ یا بالواسطہ طور پر تیل کی پیداوار اور پروسیسنگ کے ذریعے فراہم کی جانے والی غیر ملکی سرمایہ کاری کے ذریعے حاصل کی گئی ہے۔

پیٹرولیم کے ذخائر

غیر ملکی میڈیا رپورٹ کے مطابق کویتی دینار کے دنیا کی مضبوط ترین ہونے کی اہم وجوہات میں سے ایک وجہ معدنی تیل ہے۔

اعداودشمار کے مطابق کویت کے تیل کے ذخائر ایک سوبیس ملین بیرل ہے، یہ تیل عالمی ذخائر کا چھ فیصد اور کویتی برآمد کا تقریباً 92 فیصد جبکہ حکومتی محصولات کا 90 فیصد ہے۔

About admin

Check Also

دوست ممالک سے معاشی پیکج ملنے کے اشارے : امریکی ڈالر کی قیمت مزید گر گئی

کراچی : کرنسی مارکیٹ میں روپے کے مقابلے  امریکی ڈالر مزید 2 روپے 11 پیسے …

Leave a Reply

Your email address will not be published.