عالمی مارکیٹ میں خام تیل کی قیمت تیزی سے گرنے لگی


واشنگٹن: عالمی منڈی میں خام تیل کی قیمتوں میں کمی کا سلسلہ آج بھی جاری رہا۔

برطانوی خبر رساں ایجنسی کے مطابق عالمی مارکیٹ میں برطانوی کروڈ آئل (برینٹ) کی قیمت 2.99 ڈالر مزید کم ہو کر 99.78 ڈالر فی بیرل پر آگئی ہے۔

اس کے علاوہ امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) کی قیمت 3.2 فیصد یعنی 3.19 ڈالر کمی کے بعد 96.31 ڈالر فی بیرل پر آگئی ہے۔

یہ11 اپریل 2022 کے بعد سے اب تک کی تیل کی کم ترین قیمتیں ہیں۔

عالمی مارکیٹ میں خام تیل کی قیمتوں میں کمی کی وجہ عالمی سطح پر کساد بازاری کے خدشات، دیگر کرنسیوں کے مقابلے میں ڈالر کی بلند قدر میں اضافہ اور ناروے میں ورکرز کی ہڑتال کی وجہ سے تیل کی پیداوار میں متوقع کمی کو قرار دیا جارہا ہے۔

خیال رہے کہ گزشتہ روز  عالمی منڈی میں برطانوی کروڈ آئل (برینٹ) کی قیمت میں 9 اعشاریہ 30 فیصد کمی ریکارڈ کی گئی تھی، اور گر کر تیل کی قیمت کم ہوکر 102.73  ڈالر پر آگئی تھی جبکہ امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) کی قیمت 9.30 ڈالر یعنی 8.6 فیصد کم ہوکر 99.13  ڈالر فی بیرل ہوگئی ہے۔

About admin

Check Also

یوٹیلٹی اسٹورز پر دالوں کی قیمتوں میں اضافہ

اسلام آباد: ملک بھر کے یوٹیلٹی اسٹورز پر دالوں کی قیمتوں میں اضافہ کردیا گیا، …

Leave a Reply

Your email address will not be published.