بڑی مالیت کے پرائز بانڈز رکھنے والے افراد کیلئے اہم خبر


اسلام آباد : بڑی مالیت کے پرائز بانڈز تبدیل کرانے کی تاریخ میں 30 جون تک توسیع کردی گئی ، ساڑھے 7 ہزار، 15 ہزار ، 25 ہزار اور 40 ہزار کے بانڈ تبدیل کرائے جاسکیں گے۔

تفصیلات کے مطابق ادارہ قومی بچت کی جانب سے بیان میں کہا گیا ہے کہ بڑی مالیت کے پرائز بانڈز تبدیل کرانے کی تاریخ میں 30 جون تک توسیع کردی ہے۔

ادارے کا کہنا تھا کہ ساڑھے 7 ہزار،15،25اور40ہزارکےبانڈ30تک تبدیل کرائےجاسکیں گے تاہم بانڈ تبدیل یا واپس کرنے کی تاریخ میں مزید توسیع نہیں کی جائے گی اور 30 جون کے بعد بانڈ تبدیل یا واپس نہیں کرائے جاسکتے۔

قومی بچت کا کہنا تھا کہ اسٹیٹ بینک ، قومی بچت مراکز اور منظورشدہ بینک برانچوں سے بانڈ تبدیل کرائے جاسکتے ہیں۔

یاد رہے دسمبر2020 میں حکومت نے 25 ہزار والے پرائز بانڈز کی فروخت پر فوری پابندی عائد کی تھی اور کہا تھا کہ بانڈز کو اسپیشل سیونگز یا ڈیفنس سیونگ سرٹیفکیٹس میں تبدیل کرایا جاسکتا ہے۔

اس سے قبل مارچ 2020 میں اسٹیٹ بینک آف پاکستان نے 40 ہزار والے بانڈز رواں برس مارچ میں ختم کر دیے تھے، چالیس ہزار مالیت والے پرائز بانڈ کی مالی حیثیت یکم اپریل سے ختم ہو گئی تھی۔

About admin

Check Also

دوست ممالک سے معاشی پیکج ملنے کے اشارے : امریکی ڈالر کی قیمت مزید گر گئی

کراچی : کرنسی مارکیٹ میں روپے کے مقابلے  امریکی ڈالر مزید 2 روپے 11 پیسے …

Leave a Reply

Your email address will not be published.