جرمنی : ٹیکسٹائل نمائش کا اختتام : پاکستانی تاجروں کو بڑی کامیابی مل گئی


فرینکفرٹ : جرمنی کے شہر فرینکفرٹ میں ہیم ٹیکسٹائل کی عالمی نمائش اختتام پذیر ہوگئی ہے۔ نمائش میں پاکستان سمیت تریسٹھ ملکوں کے دو ہزار تین سو سے زائد نمائش کنندگان نے حصہ لیا۔

ہیم ٹیکسٹائل نمائش پاکستان کے لئے اس سال خاص اور اہم رہی کہ نمائش میں شریک پاکستانی کمپنیوں کو پچھلے سالوں کی بنِسبت اس سال کہیں زیادہ مالیت کے آرڈرز حاصل ہوئے جو پاکستانی تاجروں کی بڑی کامیابی ہے۔ اس سے ملکی زر مبادلہ میں خاطر خواہ اضافہ ہوگا۔

پاکستان کے صنعت کاروں اور تاجروں کی ہیم ٹیکسٹائل کی تجارتی نمائش میں شرکت ٹیکسٹائل کی مصنوعات متعارف کرانے کا بہترین ذریعہ ثابت ہوئی ہے۔

چار روز تک جاری رہنے والی اس عالمی منڈی میں دو ہزار تین سو سے زائد نمائش کنندگان کی مصنوعات کو دیکھنے کے لئے دنیا بھر سے پچاس ہزار سے زیادہ لوگوں نے فرینکفرٹ کی اس نمائش کا وزٹ کیا۔

پاکستانی قونصل خانہ فرینکفرٹ میں تعینات کونسلر شفاعت کلیم خٹک نے صحافیوں سے گفتگو کرتے ہوئے کہا کہ اس نمائش میں پاکستانی تاجروں کی دیدہ زیب مصنوعات نے شرکاء کو بہت متاثر کیا۔

مزید پڑھیں : جرمنی ٹیکسٹائل نمائش : پاکستانی پویلین توجہ کا مرکز بن گیا

ان کا کہنا تھا کہ فریکفرٹ میں چار روز تک جاری رہنے والی اس عالمی نمائش میں دو ہزار تین سو سے زائد نمائش کنندگان کی مصنوعات کو دیکھنے کے لئے دنیا بھر سے پچاس ہزار سے زیادہ لوگوں نے شرکت کی، اس نمائش سے پاکستانی مصنوعات کی مانگ میں اضافہ بھی ہوا ہے۔


About admin

Check Also

یوٹیلٹی اسٹورز پر دالوں کی قیمتوں میں اضافہ

اسلام آباد: ملک بھر کے یوٹیلٹی اسٹورز پر دالوں کی قیمتوں میں اضافہ کردیا گیا، …

Leave a Reply

Your email address will not be published.