” ایک ہفتے میں سرمایہ کاروں کے 140 ارب روپے ڈوب گئے "


پاکستان اسٹاک ایکسچینج نے ہفتہ وار رپورٹ جاری کی ہے جس میں بتایا گیا ہے کہ ایک ہفتے کے دوران سرمایہ کاروں کو 140 ارب روپے کا نقصان ہوا ہے۔

اے آر وائی نیوز کے مطابق پاکستان اسٹاک ایکسچینج نے ہفتہ وار رپورٹ جاری کی ہے جس میں بتایا گیا ہے کہ ایک ہفتے کے دوران سرمایہ کاروں کو 140 ارب ڈوب گئے ہیں۔

پاکستان اسٹاک ایکسچینج کی ہفتہ وار رپورٹ کے مطابق ایک ہفتے کے دوران 100 انڈیکس میں 1089 پوائنٹس کی کمی ہوئی، یہ 2.60 فیصد کمی سے 41 ہزار 50 کی سطح پر بند ہوا اور شیئرز کی قیمت کم ہونے سے سرمایہ کاروں کو 140 ارب روپے کا نقصان ہوا۔

ہفتہ وار رپورٹ میں بتایا گیا ہے کہ ایک ہفتے میں مارکیٹ کپیٹلائزیشن 7002 ارب سے گھٹ کر6862 ارب رہ گئی اور ختم ہونے والے کاروباری ہفتے میں 45.71 ارب مالیت کے 1.50 ارب شیئرز کا کاروبار کیا گیا۔

یہ بھی پڑھیں: سپر ٹیکس لگانے کا اعلان، پاکستان اسٹاک ایکسچینج کریش کرگئی، کاروبار معطل

پاکستان اسٹاک ایکسچینج کی رپورٹ میں واضح کیا گیا ہے آئی ایم ایف پروگرام کی بحالی کی خبروں پر سرمایہ کار سرگرم ہوئے تھے اور آغاز میں اسٹاک مارکیٹ میں بہتری دیکھی گئی تھی جو آخری روز مندی میں تبدیل ہوگئی، صرف صنعتوں پر 10 فیصد سپر ٹیکس کے نفاذ کے اعلان کے بعد2 ہزار پوائنٹس کی مندی ہوئی تھی۔

 

About admin

Check Also

دوست ممالک سے معاشی پیکج ملنے کے اشارے : امریکی ڈالر کی قیمت مزید گر گئی

کراچی : کرنسی مارکیٹ میں روپے کے مقابلے  امریکی ڈالر مزید 2 روپے 11 پیسے …

Leave a Reply

Your email address will not be published.