امریکی ڈالر کی اونچی اڑان جاری، نیا ریکارڈ قائم کردیا


کراچی : ڈالر پاکستان کی تاریخ میں بلند ترین سطح پر پہنچ گیا، آج انٹربینک میں ڈالر کی قیمت میں ایک روپے 44 پیسے اضافہ ہوا۔

تفصیلات کے مطابق کرنسی مارکیٹ میں روپے کی بے قدری اور ڈالر کی قیمت میں تیزی سے اضافے کا سلسلہ جاری ہے، کاروباری ہفتے کے پہلے روز بھی امریکی ڈالر بلند ترین سطح پر برقرار ہے۔

فاریکس ڈیلرز نے بتایا کہ کاروباری ہفتے کے پہلے ہی دن انٹربینک میں ڈالر ایک روپے چوالیس پیسے مہنگا ہو کر210 روپے انیس پیسے پرپہنچ گیا۔.

فاریکس ڈیلرز کے مطابق مارکیٹ میں ڈالر211 روپے سے213 تک میں فروخت ہو رہا ہے۔

شہباز شریف حکومت آنے کے بعد سے روپے کی قدر27 روپے 93 پیسے گرچکی ہے جبکہ اوپن مارکیٹ میں ہر ایکسچینج کا اپنا ریٹ۔

ماہرین کا کہنا ہے جب تک آئی ایم ایف سے گرین سگنل نہیں آتا ایکسچینج ریٹ میں بہتری نہیں آئے گی، انٹربینک میں ڈالرکی طلب میں مسلسل اضافہ دیکھنے میں آ رہا ہے۔

About admin

Check Also

تمام اسمارٹ فونز کے لیے ایک ہی چارجر، یورپی یونین کا بڑا فیصلہ

یورپی یونین نے اسمارٹ فون کے صارفین کی بڑی مشکل حل کردی، اب تمام موبائل …

Leave a Reply

Your email address will not be published.