ایم جی موٹرز کے مالک نے ٹیکس فراڈ کے الزامات کی تردید کر دی

لاہور: ایم جی موٹرز کے مالک نے ٹیکس فراڈ کے الزامات کی تردید کر دی ہے۔

تفصیلات کے مطابق ایم جی موٹرز پر ٹیکس فراڈ کے الزامات سامنے آنے کے بعد کمپنی کے مالک جاوید آفریدی کی ان کی سختی سے تردید کر دی ہے۔

مالک ایم جی موٹرز نے کہا ہم ہر طرح کی تحقیقات کے لیے تیار ہیں، ہم صارفین کو جدید اور سستی کاریں فراہم کرنے کے لیے کوشاں رہیں گے، یہ جھوٹے الزامات ہمارا حوصلہ کم نہیں کر سکتے۔

جاوید آفریدی نے کہا چند سال قبل بھی اس طرح کے الزامات اور مخالفانہ مہم سامنے آئی تھی، اور ہمیں تمام تنازعات سے کلیئر کر دیا گیا تھا، اب ایک بار پھر پروپیگنڈہ شروع کر دیا گیا ہے۔

We welcome this & prepared for any type of investigation (court docket,pac,boards and so on). We hv the fitting to defend ourselves & will show that each one transactions are completely authorized/legitimate.By doing this you’re additionally part of conspiracy towards chinese language funding in Pakistan.Let fact prevail https://t.co/xoU3AN6QzC

— Javed Afridi (@JAfridi10) April 23, 2022

ایم جی موٹرز کے مالک کا کہنا تھا کہ غلط معلومات کے پھیلاؤ کے پیچھے موجود قوتوں کو وہ جانتے ہیں، پروپیگنڈہ کرنے والے ایف ڈی آئی کے مخالف اور چینی سرمایہ کاری کے خلاف ہیں، جو ہماری اقتصادی ترقی کے لیے اہم ہے۔

جاوید آفریدی نے کہا کہ سستی گاڑیاں پاکستان میں آنے کی راہ میں بڑا مافیا رکاوٹ بن گیا ہے، لیکن ہم ملکی ترقی اور بہبود کے لیے کام کرتے رہیں گے۔

مالک ایم جی موٹرز نے غلط پروپیگنڈہ کرنے والوں کو جلد لیگل نوٹس بھیجنے کا بھی اعلان کیا۔