افغانستان کے 26 ٹن چلغوزے چند منٹوں میں ہی فروخت

بیجنگ: چین میں افغانستان کے چلغوزوں کی مقبولیت نے ریکارڈ قائم کر دیا، 26 ٹن چلغوزے چند منٹوں میں ہی فروخت ہو گئے۔

تفصیلات کے مطابق افغانستان سے چین پہنچنے والے 26 ٹن چلغوزے چند منٹوں میں ہی فروخت ہو گئے، چین برآمد ہونے والے یہ چلغوزے آن لائن فروخت کیے گئے۔

واضح رہے کہ چین افغانستان سے سینکڑوں ٹن چلغوزے درآمد کر چکا ہے اور وہاں چلغوزوں کی طلب میں بےتحاشہ اضافہ ہو گیا ہے۔

افغانستان میں چینی سفیر وانگ یو نے ٹوئٹر پر لکھا کہ افغانستان سے اب تک چلغوزوں کی 10 فلائٹس چین پہنچ چکی ہیں، جب کہ 26 ٹن چلغوزے چند منٹوں میں ہی آن لائن فروخت ہو گئے۔

Until right this moment 10 flights of Afg pinenuts flew to China. Bear in mind 26 tons had been offered in China on line in simply couple of minutes. Flights can be proceed flying. Dry fruits subsequent precedence.China will unswervingly develop opening-up,and share its improvement alternatives with Afg & wider world pic.twitter.com/uqE1XnBklM

— Wang Yu 王愚 (@ChinaEmbKabul) November 20, 2021

افغانستان کی نئی طالبان حکومت اپنی معیشت کو مضبوط کرنے کے لیے مختلف اقدامات کر رہی ہے، اس سلسلے میں چین کے ساتھ چلغوزوں اور دیگر ڈرائی فروٹ کی تجارت شروع ہو چکی ہے۔

چلغوزوں کے سلسلے میں افغانستان اور چین کے مابین باقاعدہ مذاکرات ہوئے تھے، چینی حکومت کی جانب سے جیسے ہی منظوری ملی، بڑی تعداد میں چلغوزوں کی افغانستان سے درآمد شروع ہو گئی، جس کے بعد چینی مارکیٹ میں افغانستان سے درآمد شدہ چلغوزوں کی طلب میں زبردست اضافہ ہو گیا ہے۔

د اسلامي امارت د بهرنيو چارو وزیر محترم مولوي اميرخان متقي صاحب لخوا د چين د بهرنيو چارو وزیر وانګ يې ته ځنغوزي په تحفه کې ورکړل شول چې د‌ هغه له هرکلي سره مخ شو. pic.twitter.com/tVxTGAvAdM

— Zabihullah (..ذبـــــیح الله م ) (@Zabehulah_M33) October 26, 2021

چینی سفیر کا کہنا تھا کہ چلغوزوں کے بعد ہماری اگلی ترجیح افغانستان سے ڈرائی فروٹ کی بھی تجارت ہے۔ یاد رہے کہ گزشتہ دنوں قطر میں افغان وزیر خارجہ نے چینی وزیر خارجہ کو چلغوزوں کا تحفہ پیش کیا تھا۔

The put up افغانستان کے 26 ٹن چلغوزے چند منٹوں میں ہی فروخت appeared first on ARYNews.television | Urdu – Har Lamha Bakhabar.